Posta zvicerane teston dronin si “postier” të paketave

Projekti në fjalë që do realizohet nga “Swiss”, së bashku me një nga prodhuesit e droneve që mund të jetë potencial i ardhshëm për të realizuar transportin e paketave nga ajri.
Tashmë po bëhen provat e para në Zvicër për të marrë një vendim kësaj vere.

Qëllimi është për të eksploruar potencialin e kësaj teknologjie, tha një zëdhënës i Postës për “Sonntag”.

Pas Amazonit dhe Postës Gjermane, edhe Zvicra po e bën një studim fizibiliteti, pastaj do të sqarohet edhe kuadri ligjor.

Ideja për bartjen e paketave me drone nuk është e re. Projekti kishte nisur në fund të 2013-ës nga Amazon. Google gjithashtu po i kryen testet, ndërsa Posta gjermane më pas ka kryer testet dhe ka nisur menjëherë fluturimet e para me “DHL Paketkopter”.