Premtimi i PS për vendet e punës, Blushi: Në 4 vjet rilindja punësoi vetëm banditë

Kreu i LIBRA-s Ben Blushi, me anë të një postimi në Facebook ka reaguar në lidhje me kongresin e mbajtur sot nga Partia Socialiste. Blushi shprehet se rilindja punësoi vetëm 20 banditë në parlament dhe 20 të tjerë nëpër bashki. Sipas tij, Rama nuk mbajti premtimin e dhënë për 300 mijë vendet e punës.

“KONGRESI I PAPUNËSISË

Të shohësh se si premtojnë 220 mijë vende pune pasi premtuan 300 mijë në mandatin e parë dhe zbuan nga Shqipëria 300 mijë emigrantë të papunë, është për të qarë e për të qeshur. Në katër vjet, Vëllazëria e Vesit, apo ndryshe Rilindja punësoi vetëm 20 banditë në parlament dhe nja 20 të tjerë nëpër bashki. Të besosh se këta mund të punësojnë 220 mije shqiptarë është njëlloj si të besosh se pas katër vitesh do kenë futur në punë gjysmën e Maqedonisë, pasi shqiptarët e Shqipërisë do ja kenë mbathur nëse këta vijnë prapë në pushtet”, shkruan Blushi.