Teksa Inspektoriati Kombëtar i Mbrojtjes së Territorit ka nisur punën për prishjen e së paku 60 objekteve në bregdetin e Vlorës, pronarët e godinave në fjalë janë duke kundërshtuar aksionin e mbështetur edhe nga forca të shumta policore të FNSH-së.
Janë të paktën 60 objekte në bregdetin e Vlorës që do të prishen nga Inspektoriati Kombëtar i Mbrojtjes së Territorit.
Forca të shumta policie të FNSH kanë mbërritur sot në Vlorë në mbështetje të IKMT-së, e cila ka nisur punën për prishjen e objekteve përgjatë bregdetit. Janë 60 të tilla që janë në plan për t’u prishur dhe për t’i lënë hapësirë plazheve publike.
Ndërkohë që mbështetja e forcave të policisë në këtë aksion vjen për faktin se, ditën e sotme pronarët e këtyre objekteve përgjatë bregdetit të Radhimës do të kundërshtonin me forcë prishjen e bizneseve të tyre, por deri në këto momente situata është e qetë.
Aksioni ka nisur me shembjen e lokalit të njohur në zonë, Copa Cabana, për të vijuar me 59 objektet e tjera.
