Prokuroria turke kërkon burgim të përjetshëm për Gylen

Prokuroria turke lëshoi dy urdhër-arreste me burgim të përjetshëm dhe një dënim shtesë prej 1.900 vite burg kundër ish-imamit Fethullah Gylen, i akuzuar për përgatitjen e grushtit të dështuar të shtetit më 15 korrik, raportoi sot agjencia turke e lajmeve “Anadoll”.

“Akti i akuzës përmban 2.527 faqe i miratuar nga prokurorët e rajonit në Usak (perëndim) kundër predikuesit 75 vjeçar, në mërgim në Shtetet e Bashkuara të Amerikës, ndërsa Ankaraja kërkon ekstradimin e tij me akuzën për përpjekje të prishjes së rendit kushtetues me anë të përdorimit të forcës si dhe formimin dhe drejtimin e një grupi terrorist të armatosur”, saktësoi Anadoll.