Protestë në sheshin ‘Skëndërbej’ në mbrojtje të Palestinës, disa të shoqëruar

Dhjetëra qytetarë kanë dalë në shesh pasditen e kësaj të diele për të protestuar në mbrojtje të të drejtave njerëzore të palestinezëve.

Protestuesit i kërkojnë qeverisë shqiptare që të mos mbajë anën e Izraelit në këtë luftë që ka nisur me dekada, duke sjellë pasoja të rënda në jetë njerëzish, por jo vetëm.

“Kjo është një protestë për liri dhe drejtësi dhe nuk po na lejohet të protestojmë. Është protestë për liri dhe ne nuk po na lejohet që të protestojmë”. “Izraeli terrorist. Populli shqiptar nuk është me Izraelin”. “Trup, turp”, kanë deklaruar disa nga protestuesit.

Ndërkohë mësohet se janë shoqëruar në Komisariat disa persona në shkelje të masave anti-COVID, pasi nuk lejohen grumbullimet.

Kjo është hera e dytë që qytetarët kanë dalë në shesh në mbrojtje të shtetasve palestinez.