Putini është një kancer që duhet të hiqet: Ja kush e thotë!

Udhëheqësi i opozitës ruse, Gari Kasparov u ka bërë thirrje Shteteve të Bashkuara të Amerikës dhe pjesës tjetër të botës që të forcojnë izolimin e presidentit rus, Vladimir Putin, si dhe që të armatosin Ukrainën.

Në një fjalim në senatin amerikan, ai ka shtuar se nuk mund të bisedohet me kancerin, transmeton Telegrafi.

“Si kancer, Putini dhe elita e tij duhet të hiqen”, ka thënë dikur shahisti më i mirë në botë.

Pesë ditë pas vrasjes së politikanit opozitar, Borisa Nemcov, në Moskë, Gari Kasparov, tregoi për pikëllimin e tij për mikun e tij të ndjerë.

“Boris Nemcov është vrarë sepse duhej të ndodhte. Putini dhe elita e tij mendojnë se pas 15 vitesh në pushtet mund të bëjnë gjithçka, nuk ka më vija të kuqe”, ka deklaruar Gari.

Putin e ka quajtur vrasjen e Nemcovit si një “turp”.

Seanca parlamentare amerikane ishte dedikuar zyrtarisht për “agresionin rus në Evropën Lindore”, dhe situatën në Ukrainë, Moldavi dhe Gjeorgji.