Qarkullimi Rrugor në Vlorë: Në një javë ndëshkohen me masa administrative 453 shofera

Policia e Vlorës gjatë kësaj jave  ka arrestuar dhe proceduar penalisht 9 persona për “Drejtim mjeti në mënyrë të parregullt”, të cilët janë kapur duke drejtuar automjete pa patentë.

Gjithashtu nga Policia e Qarkullimit Rrugor gjatë kësaj jave janë ndëshkuar me masa administrative 453 drejtues mjetesh. Nga këta  203 janë drejtues për qëndrim të gabuar të mjetit, 84 drejtues për mosmbajtje të rripit të sigurimit, 102 drejtues për përdorim të telefonit, 20 për xhama të zinj dhe 21 drejtues të tjerë për shkelje të tjera të ndryshme. Po ashtu janë tërhequr 16 leje qarkullimi si dhe 3 leje drejtimi të pezulluara.