Qeveria serbe: Shkarkimi i Jabllanoviqit për të dështuar bisedimet
![](https://24-ore.com/wp-content/uploads/2015/02/qeveria-serbe-shkarkimi-i-jabllanoviqit-p-euml-r-t-euml-d-euml-shtuar-bisedimet_hd.jpg)
Qëllimi kryesor i zhvillimeve të fundit në Kosovë është që serbët të braktisin negociatat dhe të dalin nga institucionet lokale. Kështu ka thënë drejtori i Zyrës së Marrëdhënieve për Media në Qeverinë e Serbisë, Milivoje Mihajloviq.
“Prishtina nuk dëshiron një marrëveshje. Qëllimi i ekstremistëve shqiptarë është që serbët të lënë Qeverinë e Kosovës dhe ky të jetë një justifikim për të vazhduar rrugën sipas dëshirës së tyre”, tha për RTS-në, Mihajloviq.
Duke folur për seancën e sotme të Këshillit të Sigurimit të OKB-së, Mihajloviq tha se pret hapa konkrete të OKB-së, pasi ata kanë mjete që do ta detyrojnë qeverinë në Prishtinë të përmbushin detyrimet, transmeton Telegrafi.
“Sekretari i Përgjithshëm i OKB-së do të raportojë ekskluzivisht për negociatat. Ai ndjeu se ishte e nevojshme që në raport të theksohet përmbushja e marrëveshjes që deri më tani është arritur në Bruksel. Në mënyrë të veçantë krijimi i Asociacionit të komunave serbe në Kosovës dhe Gjykatës Penale të Serbisë”, ka thënë Mihajloviq.
Mihaloviq ka komentuar edhe zhvillimet e fundit në Kosovë, përfshirë edhe problemin e Trepçës dhe largimin e ministrit serb në Qeverinë e Kosovës, Aleksandar Jabllanoviq.
“Kemi aktualizimin e Trepçës, prishjen e kishës së Krishtit Shpëtimtarit, ngritjen e çështjes së dëmeve të luftës… Të gjitha këto akte nuk shkojnë në relaksimin e marrëdhënieve”, tha Mihajloviq.
Ai shtoi se përfaqësuesit serb javën e ardhshme do të marrin një vendim përfundimtar mbi pjesëmarrjen e mëtutjeshme në institucionet e Kosovës.