Rama: Do ta përballojmë me sukses situatën në zonat e përmbytura

Kryeministri Edi Rama ka vizituar sot zonat e përmbytura në qarkun e Vlorës dhe ka inspektuar argjinaturën e Selenicës dhe Nartës.

Kryeministri Rama, pasi u njoh me problematikat atje, u shpreh se “Është berë një punë e madhe, por të gjithë e kanë të qartë se mbetet shumë për t’u bërë, sepse kjo është një beteje me dy fronte, një është moti që nuk e kemi në dorë ne dhe fronti tjetër është ai që kemi ne në dorë dhe ne po përballemi me të gjitha forcat për të përballuar situatën. Kjo gjendje që ne shohim sot ka ardhur si rezultat i keqqeverisjes së mëparshme, pasi në këtë zonë nuk është investuar për kanalizimet prej shumë vitesh. Ne do të vazhdojmë me të gjitha forcat të përballojmë situatën”