Rama kërkon zbutjen e toneve me LSI: Të mos bëhemi hienat e njëri-tjetrit

Edi Rama ka kërkuar sot zbutjen e toneve me LSI-në.

Në një bisedë me banorët e njësisë nr.1, në Tiranë, kur tha se nuk është nevoja që dy partitë të bëhen hienat e njëra-tjetrës.

Ndërkojë që theksoi se edhe njerëzit e kanë kuptuar tashmë se nuk mund të vlejë më shprehja “shtyje sa ta shtyjmë”.

“I qëndroj shumë idesë që koalicioni ishte i vlefshëm dhe më vjen keq që ata ndryshuan.

Secili ka të vetat, dhe ata kanë argumentin e tyre.

Është fatkeqësi që e kthyen nga një projekt të madh politik, me një luftë për pushtet dhe në një komponent hienash.

Nuk do jemi hienat e njëri-tjetrit, pasi s’kemi sfidë që të përplasemi me njëri-tjetrin. Puna është që të jemi bashkë.

Mua më vjen shumë keq. Njerëzit e kanë kuptuar një gjë. Nuk shtyhej më: shtyje sa ta shtyjmë”,tha Rama.

Sot LSI denoncoi Edi Ramën në prokurori për deklaratat e tij që policët të mbledhin vota për PS.