Rama në Abu-Dabi, i ftuar nderi në “World Policy Conference”: Konferenca e Politikave Botërore

Kryeministri Edi Rama ka nisur një vizitë në Emiratet e Bashkuara Arabe, ku do të marrë pjesë si i ftuar nderi në “World Policy Conference”.

Kryeministri publikoi foto të takimeve në Abu-Dabi, ku do të zhvillohet konferenca.

Konferenca do të filloje në diten e sotme në kryeqytetin e Emirateve të Bashkuara Arabe, Abu-Dabi, ku do të marrin pjesë liderë nga e gjithë bota.

Sipas informacioneve zyrtare, konferenca do të mbahet nga data 1 deri në 3 Tetor. Kjo nismë ka nisur që prej vitit 2008 dhe është përpjekje për të nxitur reflektimin sistematik mbi organizimin e qeverisjes globale të përshtatur me realitetet e shekullit 21.