Rama përuron hapjen e Muzeut Arkeologjik: Qasje të re ndaj trashëgimisë kulturore

Kryeministri Edi Rama ka premtuar një qasje të re të institucioneve shtetërore kundrejt trashëgimisë kulturore, teksa ka marrë pjesë në ceremoninë e hapjes së Muzeut Arkeologjik të Durrësit.

“Ky është një moment shumë i rëndësishëm për qytetin e Durrësit. Ky muze për vite të tëra ka qenë i mbyllur dhe i lënë në mëshirë të fatit, ndërsa sot është tërësisht i rindërtuar. Ne duhet të ndryshojmë tërësisht marrëdhënien me trashëgiminë kulturore”, ka deklaruar Rama.

Pasi ka saktësuar se fondi i këtij muzeu përmban 3.204 objekte, shefi i qeverisë ka falenderuar të gjithë ata që punuan për rindërtimin e këtij muzeu.