Rama takon kreun e USAID, Gayle Smith
Kryeministri Edi Rama në vijim të vizitës në Shtetet e Bashkuara të Amerikës takoi Administratoren e Përgjithshme të agjencisë shtetërore të ndihmës në Shtetet e Bashkuara të Amerikës zonjën Gayle Smith.
Zyra e shtypit në kryeministri citon zonjën Smith të ketë deklaruar se “Kryeministri Edi Rama është një lider me vizion, që kërkon të ndërtojë për vendin e vet themelet e zhvillimit ekonomik dhe modernizimit”.
Sipas njoftimit të kryeministrisë Administratorja Smith shprehu mbështetjen e USAID për projektin e futjes se kurrikulave edukuese mbi besimet fetare në programet e shkollave.
“Kjo nisme është diçka tepër e zgjuar”, – tha Smith duke theksuar se “Nëse brezi i ri, jo vetëm në Shqipëri, por kudo në botë, do të jetë i edukuar mbi besimet fetare, do të jetë shumë më e vështirë për të rënë pre e manipulimeve ekstremiste”.
