Rama takon Pompeo: SHBA mbështetje për anëtarësimin në BE, reformën në drejtësi dhe reformën zgjedhore
Kryeministri Edi Rama ka zhvilluar sot një takim në Departamentin Amerikan të Shtetit me Sekretarin, Mike Pompeo.
Zëdhënësja e Departamentit Amerikan të Shteit, Morgan Ortagus bëri të ditur se, Sekretari i Shtetit Pompeo dhe Kryeminstri Rama diskutuan lidhur me përparësitë e përbashkëta gjatë kryesimit nga Shqipëria të të Organizatës për Siguri dhe Bashkëpunim në Evropë (OSBE) për vitin 2020 dhe bashkëpunimin në Europë.
Sekretari Pompeo theksoi mbështetjen e fuqishme të Shteteve të Bashkuara për përpjekjet e Shqipërisë për t’u anëtarësuar në Bashkimin Europian dhe përpjekjet aktuale për reformën në drejtësi dhe reformën zgjedhore.
Sekretari amerikan i Shtetit vlerësoi gjithashtu Kryeministrin Rama për angazhimin e palëkundshëm të qeverisë së tij në NATO, për kundërvënien ndaj veprimtarive keqdashëse të Iranit dhe për rolin udhëheqës në rajon në mbrojtje të rrjeteve të komunikimit të gjeneratës tjetër.
