Reforma në drejtësi, Meta falenderon Komisionin e Venecias

Kryetari i Kuvendit, Ilir Meta i ka dërguar një letër falenderimi presidentit të Komisionit të Venecias, për angazhimin e këtij institucioni për reformën në drejtësi.

“Shpreh mirënjohjen time të thellë për bashkëpunimin e deritanishëm të Kuvendit me Komisionin e Venecias. Kjo reformë duhet të jetë e mbështetur në standardet më të mira ndërkombëtare”, thotë Meta në letrën dërguar zotit Buquicchio.

Partneri i koalicionit qeverisës nënvizon se, “vlerësimet e Komisionit të Venecias do të jenë udhërrëfyes për paketën kushtetuese”.

“Paketë që do t’i përgjigjet cilësisht nevojave që ka shoqëria shqiptare për reformën në drejtësi”, shprehet më tej Meta.