Reshjet e shiut- Bashkia e Tiranës në gatishmëri për 48 orët e ardhshme

Bashkia e Tiranës ka kaluar në gatishmëri për 48 orët e ardhshme si pasojë e reshjeve të shumta për shkak të përkeqësimit të motit.

Në një njoftim në rrjetin social Facebook, Kryetari i bashkisë së Tiranës Erion Veliaj i bën thirrje qytetarëve të minimizojnë lëvizjet, të evitojnë lumenjtë, sa më pak trafik të ketë, aq më shumë mundësi ka që punëtorët e bashkisë të jenë të dobishëm në terren.

“Ndërmarrjet e rrugëve, pastrimit, kanalizimeve, ndriçimit, Policia Bashkiake, Inspektorati i Mbrojtjes së Territorit, Zjarrfikëset & administratorët e 24 njësive janë në terren. Për emergjenca, ju lutem kontaktoni ‪#‎BashkiaTiranë‬ në numrin 0800 0888 (nga numrat fiks), ‪#‎PoliciaBashkiake‬ – 04 24 19 465 dhe ‪#‎Zjarrfikësit‬ – 128”, shprehet Veliaj.

Vendi ynë që prej orëve të vona të mbrëmjes së djeshme është përfshirë nga moti i keq dhe me reshje të shumta.Tirana dhe Lezha janë përfshirë nga reshje të shumta shiu dhe për rrjedhojë në këto qarqe ka një situatë problematike, ndërsa Shkodra është nën kontroll.