Reuters gabon, shkruan se gjykata franceze e aprovoi kërkesën për ekstradimin e Haradinajt
Agjencia ndërkombëtare e lajmeve me bazë në Londër, Reuters, ka raportuar gabimisht se gjykata franceze e ka autorizuar kërkesën e Serbisë për ekstradimin e ish-kryeministri i Kosovës, Ramush Haradinaj, megjithatë, agjencia ka qenë e shpejtë në korrigjimin e këtij gabimi.
Për më tepër edhe disa mediat të tjera të njohura ndërkombëtare raportuan gabimisht duke u bazuar në lajmin Reuters, përfshirë Euronews, transmeton Express.
Në fund të lajmit të korrigjuar Reuters shkroi: “Ky lajm është korrigjuar për të treguar se gjykata e ka refuzuar ekstradimin, nuk e ka autorizuar”.
Gjykata në Colmar e refuzoi kërkesën e Serbisë për ekstradimit e kryetari të AAK-së, Ramuash Haradinajt, i cili u arrestua në janar bazuar në një urdhër arrest të Serbisë, për krime lufte.
Ramushi pritet të kthehet në Kosovë sot pasdite
