Rikthehen problemet në Lazarat, tentojnë të hedhin në erë shtyllën elektrike
Një shtyllë elektrike është tentuar të hidhet në erë mbrëmjen e djeshme në fshatin Lazarat të Gjirokastrës. Nga të dhënat e para mësohet se shpërthimi ndodhi në afërsi të vendit të quajtur Pulari.
“Nga verifikimi i bërë u konstatua se në anë të rrugës kryesore të fshatit Lazarat afër “Pularisë”, i ishte vendosur një sasi lëndë shpërthyese shtyllës mbajtëse të një shtylle elektriku, ku si pasojë është dëmtuar lehte vetëm shtylla mbajtëse” thuhet në njoftimin e policisë së Gjirokastrës të shpërndarë mëngjesin e sotëm.
Kur në vend ka shkuar grupi hetimor ka konstatuar se “ne fund të shtyllës mbajtëse të një shtylle elektrike ishte vendosur rreth 100 grame lënde shpërthyese , ku për pasojë është dëmtuar lehtë bazamenti i shtylles mbajtese , pa krijuar asnje problem për shtyllen elektrike” vijon njoftimi i policisë.
Një telefonatë e grupit të FNSH që kryente shërbim në fshatin Lazatat, bëri telefonatën për shpërthimin në sallën operative te Drejtorise se Policise se Qarkut Gjirokaster në ora 23:14, të 18 marsit 2015.
Shpërthimi ndodh në një kohë kur në Lazarat u përforcuan kontrollet e policisë nga FNSH dhe RENEA pas një incidenti të ndodhur mbrëmjen e 17 marsit ku 4 lazaratas të shpallur në kërkim nuk iu bindën patrullës policore dhe qëlluan me armë në drejtim të tyre.
