Ekonomia
Rruga e Kombit, Gjiknuri: E shtrenjtë, por ende nuk ka përfunduar
Ministri i Infrastrukturës dhe Energjisë, Damian Gjiknuri në fjalën e tij në Kuvend tha se rruga e Kombit ende nuk ka përfunduar. Ai tha se të gjitha qeveritë kanë qenë dakord për taksën e rrugës për mirëmbajtjen e saj.
“Ka një gjë të mirë që të bien të gjithë dakord, kjo rrugë që është shumë e shtrenjtë për shqiptarët po dhe e domosdoshme është një rrugë që u ka kushtuar shqiptarëve, 1.3 miliardë dollarë që akoma nuk ka përfunduar dhe kërkon dhe nja 300 milionë dollarë të tjera. Të gjitha qeveritë kanë qenë dakord”, tha Gjiknuri.
Ai tha se koncesionari dot ë investojë 262 milionë euro gjatë gjithë kontratës, dhe 45 milionë dollarë vetëm në katër vitet e para. Këto para do të investohen në operim, mirëmbajtje rutinë, dhe investime të nevojshme pasi është rrugë në terren të thyer malor.
“Politizimi pseudo-patriotik me projektin e sigurisë dhe mirëmbajtjes së Rrugës së Kombit, është thjesht vënia e interesave të voglëa politike mbi interesin kombëtar, interesat publike e qytetarë. Sharjet e mallkimet e një procesi jo vetëm normal, po edhe jetik për qëndrueshmërinë në vite të atij aksi me rëndësi strategjike, janë një shprehje e mjerë e verbërisë politike dhe e shpërfilljes të së ardhmes”, shkruhet në Facebook nga kryeministri Edi Rama.
