Rusia zotohet për kundërmasa ndaj sanksioneve të ShBA-së mbi gazsjellësin

Presidenti amerikan Donald Trump nënshkroi javën e kaluar një projektligj, ku përcaktohen sanksionet kundër individëve dhe kompanive që marrin pjesë në gazsjellësin “Nord Stream 2”.

Si pasojë e këtij veprimi, një kompani zvicerane që operon anijet për shtrirjen e tubacioneve, ndërpreu punimet.

Kryeministri i Rusisë Dmitry Medvedev tha se i ka kërkuar kabinetit të hetojë “kufizimet e mundshme” që mund të zbatohen si kundërpërgjigje ndaj sanksioneve të ShBA-së.

Projekti “Nord Stream 2” i përket kompanisë ruse “Gazprom”, me investime nga disa kompani europiane.

Projekti 1200 km i gjatë do ta lejojë Rusinë të transportojë gaz natyror drejtpërdrejt në Europë, përmes Ukrainës.

ShBA-ja shprehu haptazi kundërshtimin ndaj këtij gazsjellësi, duke theksuar se ky projekt do të shtojë varësinë e Europës ndaj Rusisë në energji.

Qeveria gjermane i konsideroi sanksionet ndërhyrje në punët e brendshme, por kancelarja Angela Merkel përjashtoi mundësinë e kundërpërgjigjes.