Sarandë, shpëtohet motobarka me 4 shtetas grekë

Policia Kufitare e Sarandës dhe e Dhërmiut që prej orës 07.00 të mëngjesit, kanë marrë pjesë në një operacion  të përbashkët me Rojën Bregdetare greke , për shpëtimin e katër shtetaseve grekë të cilët pësuan avari në motobarkën e tyre.

Ne këtë operacion të përbashkët  të mjeteve lundruese të Policisë Kufitare Shqiptare dhe Rojës Bregdetare Greke, u shpëtuan 2 milje në ujërat tona territoriale , mbi ishujt Fanon, përballë Dhermiut 4 shtetas grekë të cilët kishin humbur kontaktin në orët e para të mëngjesit të ditës së sotme. Ata kishin dalë për shëtitje me një motobarkë  të  vogël,  e cila ka pasuar avari dhe rryma i ka sjellë në drejtimin tonë.

Nga ana e Policisë Kufitare Shqiptare pas marrjes së kërkesës për ndihmë nga pala greke , hynë në veprim 3 mjete lundruese. Pas disa orë kërkimesh u bë i mundur lokalizmi dhe shpëtimi i barkës.  Rreth orës 13.00,  u bë evakuimi i tyre ; janë dy të rritur dhe dy fëmijë të moshës 4 e 7 vjeç. Përfaqësuesit e Rojës Bregdetare greke kanë falënderuar Policinë Kufitare Shqiptare për angazhimin maksimal në këtë operacion evakuim shpëtimi.