Serbia kërkon nga BE financimin e rrugës që e lidhë me Kosovën dhe Shqipërinë

Qeveria e Serbisë i ka kërkuar Bashkimit Evropian që të financojë ndërtimin e rrugës që do ta lidhë atë me Kosovën dhe Shqipërinë si dhe për ndërtimin e hekurudhës që e lidh me Malin e Zi që do të shtrihet deri në Tiranë.

Këto lidhje do t’i mundësojnë Serbisë që të ketë akses me portet e Shqipërisë. Serbia, muajt e fundit ka shfaqur interes të madh për të pasur qasje në portet e Shqipërisë në detin Adriatik. Për këtë qëllim ajo ka ngritur grup pune për të arritur marrëveshje me qeverinë e Shqiptarisë dhe atë të Kosovës.