SHBA, 242 mijë vende të reja pune

Norma e papunësisë në shtetet e bashkuara të amerikës mbetet e pandryshuar pranë 4.9% gjatë shkurtit. Gjatë muajit u shtuan 242 mijë vende të reja pune, duke mposhtur edhe pritshmëritë që flisnin për një shifër pranë 172 mijë. Por të dhënat e raportuara ditën e Premte nuk janë edhe aq optimiste.

Për herë të parë në një vit raportohet ulje e pagave. Ky është lajmi më i keq për Rezervën federale pasi sinjalizon ulje të shpenzimeve dhe inflacion të dobët duke minuar politikën e normalizimit gradual të normave të interesit. Tregu i punës ndërkohë duket mjaft i shëndoshë.

Papunësia është pranë minimumit të 8 viteve të fundit ndërkohë që punësimi duket se do të regjistrojë dy vitetet me performancën më të mirë që prej viteve 1998­1999. Paga në orë ra ma 0.1% gjatë muajit të kaluar, që është edhe rënia e parë që prej dhjetorit të vitit 2014.

Edhe mesatarja e orarit të punës regjistron rënie gjatë shkurtit në 34.4 orë nga 34.6 orë që ishte më parë. Dollari amerikan ra me 0.5% kundrejt shportës së valutave kryesore menjëherë pas publikimit të të dhënave mbi tregun e punës.