Shemben zyrat e pushtetit lokal në Shishtavec
Godina e njësisë administrative Shishtavec e bashkisë Kukës është shembur. Godina dy katëshe kishte dhënë shenja prej kohësh për shkak të gërryerjes së truallit ku është ndërtuar dhe bazamentit të saj.
Por sipas banorëve ajo çfarë i ka dhënë shtysën e fundit kanë qënë tronditjet nga tërmeti i katër ditëve më parë.
Tronditje që kanë zgjeruar plasaritjet e ndërtesës e cila është duke shembur faqen perëndimore të saj. Në momentin e shembjes nuk ka patur punonjës të njësisë apo banorë të tjerë.
Në katin e parë të ndërtesës ka patur një ahur në të cilin kanë qenë dy viça të zënë poshtë rrënojave. Në fotogaleri janë pamjet e ndërtesës të dërguara nga banorët. Në vendngjarje kanë mbërritur ekipet e vlerësimit nga emergjencat civile dhe policia e Kukësit për të përcaktuar dhe shkaqet.
