Shkarkimi i 131 punonjësve të Burgjeve se nuk paguan dritat, Naço: Futën duart në ‘xhepat’ e shtetit

Ministri i Drejtësisë, Nasip Naço ka deklaruar se heqja nga puna e 131 punonjësve të Drejtorisë së Burgjeve u bë sepse pas verifikimit të kryer, rezultoi se ‘kishin futur duart në xhepat e shtetit’.

Duke iu përgjigjur interesit të mediat për këtë çështje, kreu i Drejtësisë theksoi se shkarkimi i këtyre punonjësve erdhi si pasojë e shkeljes së Kodit të Etikës.

Vetëm pak ditë më parë, Avokati i Popullit dekalroi nisjen e një hetimi administrativ për pushimin nga puna të këtyre punonësve, duke i kërkuar Minirtisë së Drejtësisë dhe Drejtorisë së Burgjeve t’i përcillte shkresat konkrete për secilin punonjës të pezulluar, motivacionin e shkarkimit dhe bazën ligjore mbi të cilën mbështete masa e marrë.