Shkatërrohet rrjeti i trafikut të drogës Shqipëri-Itali, 37 shqiptarë në hetim

Shkatërrohet  në Itali një organizatë kriminale, mes të cilëve ka edhe shqiptarë. Mediat fqinje shkruajnë se nën hetim janë vënë gjithsej 61 persona, mes tyre edhe 37 shtetas shqiptarë dhe 24 italianë.

Operacioni i koduar “Ballkan”, u organizua nga Prokurori i Qarkut të Catania, policia e Ragusa dhe Guardia di Finanza e COMO-s, raporton Ansa.

Prokuroria  pretendon se është infiltruar  në të gjithë zinxhirin e furnizimit të organizatës ndërkombëtare.

Gjatë hetimit të nisur në vitin 2012 janë kryer bastisje në qytetet italiane. Policia e Shtetit në Ragusa dhe Guardia di Finanza e Comos kanë sekuestruar 1000 kg marijuanë dhe armë të përdorura nga rojet për mbrojtjen e drogës.