Shkrumbohet makina e shefes së hipotekës në Vlorë

Policia: Dyshohet e qëllimshme me benzinë

Automjeti i kryeregjistrueses së hipotekës së Vlorës është shkrumbuar gjatë natës në rrethana ende të paqarta. Mjeti është marrë nga policia si provë materiale, ndërkohë që dyshohet se zjarri ka qenë i qëllimshëm. Ngjarja ka ndodhur në lagjen “Pavarësia” dhe policia ka shoqëruar pesë persona të dyshuar se kanë dijeni. Vetë e dëmtuara Ina Lucaj është marrë në pyetje, por mësohet të ketë thënë se nuk ka ndonjë problem personal me askënd.