Shoqërohet në Komisariat Altin Goxhaj, policia: Organizoi protestë të paligjshme

Altin Goxhaj, përfaqësues i shoqërisë civile është shoqëruar mëngjesin e sotëm në polici pas një proteste që kishte organizuar pranë pallatit të kongreseve përpara fillimit të takimit të organizuar nga kryeministri Rama lidhur me ndëshkimin  e vjedhjes së energjisë elektrike.

Protesta e organizuar nga Goxhaj ishte kundër rritjes së çmimit të energjisë elektrike të paralajmëruar nga qeveria. Sipas policisë, protesta ishte e palajmëruar dhe e paligjshme. Goxhaj është mbajtur disa orë në komisariatin nr.1 në kryeqytet dhe më pas është lënë i lirë. Ai ka pretenduar se është goditur dhe fyer nga efektivët e policisë.