Shqipëri-Kroaci, marrëdhënie të shkëlqyera për integrimin evropian

Shqipëria dhe Kroacia vijojnë marrëdhëniet e shkëlqyera mes tyre sa i takon bashkëpunimit rajonal, por dhe ndërtimit të veprave infastrukturore.

Ministri Punëve të Jashtme, Ditmir Bushati priti sot në Tiranë, Zëvendëskryeministren e Parë dhe Ministren e Punëve të Jashtme dhe të Çështjeve Evropiane të Kroacisë, Vesna Pusić.

Ministri Bushati shprehu falenderime përsa i përket ndihmës që Kroacia ka akorduar në jugun e Shqipërisë. “E shohim si konfirmim dhe provë të gjallë të miqësisë dhe marrëdhënieve të shkëlqyera mes dy vendeve tona”, tha Bushati.

Kryediplomati shqiptar shtoi se, “modeli i dalogut dhe bashkëpunimit politik mes dy vendeve tregon rakordim qëndrimesh sa i përket politikës së jashtme. Diskutuam mbi nevojën për një fokus më të madh sa i takon bashkëpunimit në pjesën jugore të Evropës”

Diskutuam mbi ndëritmin e korridoreve si ai Adriatiko – Jonian, kur dy vedevt tona kanë firmosur memorandumin e ndërtimit të gazsjellësit Adriatiko-Jonian, pjesë e TAP”.

“Patëm mundësi për të diskutuar edhe për zhvillimet në vendin tonë. Aq më tepër kur dihet që periudha e fundit është e veshur me zhvillime”, tha Bushati.

Ndërsa Zëvendëskryeministrja e Parë dhe Ministrja e Punëve të Jashtme dhe të Çështjeve Evropiane të Kroacisë, Vesna Pusić u spreh se, “kemi bashkëpunuar në mënyrë të shkëlqyer. Kemi marrëdhënie të shkëlqyera dhe do të vijojmë të ecim përpara me këto marrëdhënie”.

“Kjo marrëdhënie e shkëlqyer që kemi”, theksoi Pusiç, na ndihmon të ecim përpara, jo vetëm në bashkëpunimin dypalësh, por edhe në bashkëpunimin për të ardhmen e Shqipërisë në BE. Shqipëria dhe Kroacia kanë bashkëpunim dypalësh të shkëlqyer, nga kjo fiton stabiliteti për rajonin, por dhe stabiliteti në të gjithë Evropën.

Gjithashtu shtoi Pusiç, “biseduam për transportin, autrostradat, por edhe për gazsjellësin Adriatiko-Jonian. Çështje që janë shumë të rëndësishme për ne”.