Shqipëria dhe India, marrëveshje për heqjen e vizave për pasaportat diplomatike dhe të shërbimit

Shqipëria dhe India nënshkruan sot në Ministrinë e Punëve të Jashtme “Marrëveshjen për heqjen e vizave për pasaportat diplomatike dhe të shërbimit, midis Këshillit të Ministrave të Republikës së Shqipërisë dhe Qeverisë së Republikës së Indisë”.

Kjo marrëveshja do të krijojë lehtësira dhe do t’i shërbejë interesit të dy vendeve për forcimin e marrëdhënieve miqësore si dhe bashkëpunimeve të ndryshme në fusha me interes reciprok.

Gjithashtu kjo marrëveshje do t’i japë lehtësira lëvizjeje bizneseve nga të dy vendet, duke krijuar mundësi më të shpeshta komunikimi dhe bashkëpunimi.