Shqipëria do përfshihet nga temperatura shumë të larta

Ministri i Mbrojtjes Niko Peleshi, ka ndarë një njoftim të rëndësishëm të Institutit të Gjeoshkencave dhe Shërbimit Meteorologjik Ushtarak, për të gjithë qytetarët shqiptarë për të shmangur orët e pikut gjatë ditëve në vazhdim.

Sipas asaj që ndan ministri, fëmijët dhe të moshuarit duhet të kenë më tepër kujdes. Në videon e mëposhtme janë disa këshilla për të gjithë qytetarët, pasi në ditët në vazhdim vendi pritet të përfshihet nga temperatura shumë të larta.

“Instituti i Gjeoshkencave dhe Shërbimi Meteorologjik Ushtarak parashikon që vendi do të përfshihet nga një mot me temperatura tejet të larta.

Për këtë Agjencia Kombëtare e Mbrojtjes Civile bën thirrje për të gjithë qytetarët, veçanërisht për moshën e tretë e fëmijët, të ruhen duke respektuar këshillat e nevojshme. Qëndroni në kontakt me shërbimet e emergjencave në rast nevoje”, njofton ministri Niko Peleshi.