“Shqipëria, e ardhmja jonë”/ Publikohet slogani i PS-së në zgjedhjet e 25 prillit

Rama u shpreh se këtë herë e ka ndryshuar skemën dhe vendet e para do t’i lihen të rinjve, grave dhe vajzave. Vihet re se të gjitha janë femra dhe vetëm në dy qarqe, listat udhëhiqen nga Erion Braçe dhe Lavdrim Krashi.

Sa i përket listës së Tiranës, u shpreh se nuk i ndan dot Najada Çomon dhe Luljeta Bozon, për të cilat thotë se kanë arritur t’i përçojnë komunitetit një përmasë të prekshme përkujdesje dhe dashurie.

Vendi i parë në Listën e Shkodrës: Edona Bilali

Vendi i parë në Listën e Vlorës: Pranvera Sulaj

Vendi i parë në Listën e Kukësit: Greta Duraku

Vendi i parë në Listën e Korçës: Eni Zake

Vendi i parë në Listën e Dibrës: Lavdrim Krashi

Vendi i parë në Listën e Berat: Hatixhe Konomi

Vendet e para në Listën e Tiranës: Luljeta Bozo dhe Najada Çomo

Vendi i parë në Listën e Fierit: Erion Braçe

Vendi i parë në Listën e Elbasanit: Evis Kushi

Vendi i parë në Listën e Gjirokastrës: Mirela Kumbaro

Vendi i parë në Listën e Lezhës: Lindita Nikolla

Vendi i parë në Listën e Durrësit: Milva Ekonomi

Partia Socialiste synon 88 mandate në zgjedhjet e 25 prillit. Kryeministri Edi Rama teksa prezantoi objektivat në çdo qark, deklaroi se Partia Socialiste ka si synim bazë 78 mandate dhe maksimal 88 mandate.

Po ashtu, nga selia e PS-së, Rama theksoi se fuqia dhe pika e fortë e socialistëve është vetëndryshimi dhe rrëfeu si janë përzgjedhur emrat e kandidatëve për deputetë.

Për kryeministrin arma sekrete që do ti japë PS objektivin maksimal të 88 mandateve është se ata janë shumë më të përgatitur se kundërshtari.