Shqiptari Dritan Abazoviq zgjidhet kryeministër i Malit të Zi: ja emrat e kabinetit
Deputetët votuan sot Qeverinë e 43-të të Malit të Zi me kryeministër shqiptarin Dritan Abazoviq. Për zgjedhjen e Qeverisë së re votuan 45 deputetë të mazhorancës së re, ndërsa kundër tre deputetë të SD-së. Qeveria ka 18 ministri, 20 ministra (dy pa portofol) dhe katër nënkryetarë. Në kabinetin e Qeverisë së re janë edhe dy ministra nga partitë shqiptare. Marash Dukaj, Ministër i Administratës Publike dhe Fatmir Gjeka, Ministër i të Drejtave të Njeriut dhe të Pakicave Nderkohe Danijela Gjuroviq është kryetarja e re e Parlamentit të Malit të Zi. Për zgjedhjen e Danijella Gjuroviq votuan 45 deputetë, ndërsa kunder ishin tre deputetë.
Abazoviq vuri në dukje se qeveria e re do të bazohet në dy shtylla kryesore – shtetin e së drejtës dhe zhvillimin ekonomik. Në pjesën hyrëse të ekspozesë thuhet se Mali i Zi ka nevojë për stabilitet politik dhe social, sepse qytetarët presin që përfaqësuesit e tyre të japin një kontribut shumë më të madh për pajtimin dhe largimin e tensioneve, që ai i quajti artificiale. Prapa këtyre tensioneve gjithmonë kanë interesat e qarqeve individuale apo dëshira për përfitime të vogla politike”, tha kreu i Lëvizjes Qytetare URA.
Në vazhdim ai theksoi se anetarët e qeverisë janë të obliguar të merren me të ardhmen dhe jo me të kaluarën.
“Jam krenar per nje bashkpunim të ri të subjekteve të cilat në të kaluaren kanë patur edhe kundershti mes njëri tjetrit”. Ai gjithashtu përmendi vazhdimin e ndërtimit të autostradës Tivar-Bolare dhe gjetjen e mënyrave të favorshme të investimit për këtë projekt i cili sipas tij ka rëndësi tëmadhe për zhvillimin e përgjithshëm ekonomik.
Kabineti i kryeministrit Dritan Abazoviq
Ministria e Drejtësisë, Marko Kovaç.
Ministria e Brendshme, Filip Axhiq.
Ministria e Mbrojtjes, Rashko Konjeviq.
Ministria e Financave, Aleksandar Damjanoviq.
Ministria e Punëve të Jashtme, Ranko Krivokapiq.
Ministria e Zhvillimit Ekonomik dhe Turizmit, Goran Gjuroviq
Ministria e Çështjeve Evropiane, Jovana Maroviq,
Ministria e Arsimit, propozohet Mijo Vojinoviq.
Ministria e Shendetesise, Dragosllav Shqekiq
Ministria e Investimeve Kapitale, Ervin Ibrahimoviq.
Ministria e Bujqësisë, Pylltarisë dhe Administrimit të Ujërave, Vlladimir Jokoviq.
Ministria e Sportit dhe Rinisë, Vasillije Llallosheviq.
Ministria e Administratës Publike, Marash Dukaj.
Ministria e Punës dhe Mirëqenies Sociale, Admir Adroviq.
Ministria e Kulturës dhe Medias, Masha Vllaoviq.
Ministria e Ekologjisë, Planifikimit Hapësinor dhe Urbanizmit, Ana Novakoviq Gjuroviq.
Ministria e të Drejtave të Njeriut dhe të Pakicave, Fatmir Gjeka.
Ministria e Shkencës dhe Zhvillimit Teknologjik, Bilana Shqepanoviq.
Dy ministra pa portofol, Zoran Milaniq dhe Adrijan Vuksanoviq.
