Shteti merr aksionet e CEZ-it, hapet rruga e reformave në sektorin e energjisë

Aksionet që kompania ceke CEZ zotëronte tek Operatori i Shpërndarjes së Energjisë, kaluan përfundimisht në dorë të shtetit shqiptar, pasi sot u u nënshkrua Marrëveshja mes Republikës së Shqipërisë dhe shoqërisë CEZ për transferimin e këtyre aksioneve.
Burime nga ministria e Energjitikës dhe Industrisë bënë të ditur sot se me firmosjen e marrëveshjes mes Republikës së Shqipërisë dhe shoqërisë CEZ, u përmbyll procesi i zgjidhjes me mirëkuptim të mosmarrëveshjeve me shoqërinë CEZ, i firmosur në muajin qershor 2014.
Me anë të marrëveshjes, 100% e aksioneve te shoqërisë OSHEE i kalojnë shtetit bashkë me përfundimin e fazës së administrimit të përkohshëm të shoqërisë, e nisur në muajin janar 2013.
Përfundimi i këtij procesi krijon mundësinë që qeveria të fillojë reformimin për mënyrën e administrimit në Operatorin e Shpërndarjes së Energjisë Elektrike (OSHEE). Gjithashtu, ky hap krijon mundësi që me mbështetjen e donatorëve, qeveria të ndërhyjë për kryerjen e investimeve, me synim, përmirësimin e rrjetit të shpërndarjes dhe rritjen cilësore të shërbimit ndaj konsumatorëve