Skandali i përgjimeve në Maqedoni si “Watergate”
Aferën e fundit të përgjimit që denoncoi pak ditë më parë LSDM-ja, ekspertë dhe analistët politikë, e kanë krahasuar atë me aferën e viteve ‘70 në SHBA, “Watergate”.
Gjatë një debati në emisionin “360 gradë” në televizionin Alsat, profesori Dimitar Mirçev tha se tani nuk ka rëndësi nëse i gjithë procesi është kryer nga shërbimet e huaja, nga opozita apo pushteti, por sipas tij, në pikëpyetje është vënë funksionimi i sistemit shtetëror.
Profesori tjetër dhe ish diplomati, Nano Ruzhin, pret reagime të ashpra nga faktori ndërkombëtar gjatë periudhës në vazhdim. Ai e sheh zgjidhjen e situatës tek Qeveria teknike dhe përfshirja e perëndimit.
Por, sipas kolegut të tij Ymer Ismaili, nëse dëshmohet vërtetësia e gjithë skandalit, atëherë nuk do të ketë vend për të diskutuar për Qeveri teknike ose rënie të Qeverisë aktuale.
Nëse dëshmohet fajësia e tyre, autorët e skandalit, sipas Ismailit duhet të tërhiqen vetë, përjetësisht nga skena politike.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.