SPAK: Burg për ish-kryetarin e Gjykatës Kushtetuese, fshehu pronësinë e shtëpisë në plazh
Në aplikim të gjykimit të shkurtuar, deklaroi prokurorja Doloreza Musabelliu, kërkoj pezullimin e dënimit për të pandehurin Dedja duke e urdhëruar të mbajë kontakt me shërbimin e provës dhe të vihet në provë për 24 muaj me kushtin që mos të kryejë vepër tjetër. Në datën 31 maj, pritet që Dedja të kundërshtojë gjetjet e SPAK që thotë se ish kryetari i gjykatës kushtetuese fshehu një apartament në Kryemëdhenj, dha gënjeu kur deklaroi se kishte marrë 25 mijë euro borxh nga familjarët për të blerë një apartament në Tiranë.
Si argument të fshehjes së apartamentit në Durrës, SPAK sjellë dhe dëshminë e administratorit të pallatit Dashamir Mjekra që rrëfeu se e kishte parë me pushime Bashkim Dedjen dhe se në një rast truprojat e tij i kishin kërkuar të fuste automjetin në garazh.
Por ish-funksionari i drejtësisë këmbëngul me shkresa se shtëpia është e dy vëllezërve të tij, njëri emigrant në Greqi, i cili në rastin e dytë e ka ndihmuar me një hua, e konsideruar nga ekspertët si e pamundur për t’ju dhënë pasi familjarët ishin në vështirësi ekonomike, thotë SPAK.
