Tahiri, takim pune me Metën: Mazhoranca është solide

Mazhoranca është solide dhe e qëndrueshme, është shprehur ministri i Brendshëm Saimir Tahiri, referuar takimit me kreun e Kuvendit Ilir Meta.

Pas një bisede me strukturat e policisë në Elbasan, Tahiri tha se takimi i sotëm është në vazhdën e takimeve të shpeshta pune.

“Fakti që bashkëqeverisim bën të kemi takime të shpeshta pune. Mazhoranca është solide dhe e qëndrueshme, vendit i duhet një opozitë funksionale. Opozita ka ende shumë rrugë dhe vite, përpara se të bëhet një opozitë e shëndoshë”, është shprehur Tahiri.

Parësorë, tha ai, është reforma në drejtësi, që do t’i japë fund pandëshkueshmërisë në çdo nivel.