Taksitë e palicensuara, taksistët nisin protestën para Ministrisë së Transporteve

Sindikata e Taksistëve kanë nisur sot protestat para Ministrisë së Transporteve kundër taksive të palicensuara. Gëzim Bardhi, kryetar i Sindikatës së Taksistëve tha sot se protesta e taksistëve do të vazhdojë deri në heqjen nga qarkullimi të taksive të palicensuara.

“Policët tuaj duhet t’i fryjnë bilbilit dhe të largojnë taksistët e paligjshëm. Ne kemi nisur protestën dhe do ta vazhdojmë derisa të dilni para taksistëve dhe të bëni ato që keni premtuar në fushatë”, tha Bardhi.

Taksistët kërkojnë gjithashtu të mos miratohen ndyshimet në Kodin Rrugor për rritjen e masës së gjobës për drejtuesit e automjeteve.