Thaçi: Bllokimi i rrugëve në Kosovë është bllokim i rrugëve të Kosovës në botë
Presidenti i vendit, Hashim Thaçi, ka reaguar pas bllokimit të rrugëve kryesore në disa qytete të vendit.
Përmes një postimi në llogarinë e tij, Thaçi ka thënë se nga logjika e bllokimit të rrugëve, sikurse ndodhi sot në disa qytete të Kosovës, më së shumti përfitojnë ata që nuk ia duan të mirën shtetit tonë.
“Bllokimi i rrugëve brenda në Kosovë është bllokim i rrugëve të Kosovës në botë. Kjo qasje është tërësisht e papranueshme, sepse liria e lëvizjes, liria e tubimit, liria e mendimit politik dhe liria e shprehjes janë të garantuara me Kushtetutën dhe me ligjet e Kosovës. Këto vlejnë për çdo qytetar të Kosovës dhe askush nuk do të lejohet që t’i cenojë këto të drejta, pa marrë parasysh dallimet në bindje e qëndrime. Nga logjika e bllokimit të rrugëve, sikurse ndodhi sot në disa qytete të Kosovës, më së shumti përfitojnë ata që nuk ia duan të mirën shtetit tonë. Institucionet shtetërore duhet ta garantojnë mbrojtjen e këtyre lirive për secilin qytetar”, ka shkruar presidenti Thaçi.
