Tuchel publikon sot listën e Anglisë, rikthehet Maguire

Trajneri i ri i Anglisë, Thomas Tuchel, pritet të publikojë sot në orën 11:00 (GMT) listën e lojtarëve për dy ndeshjet miqësore të muajit mars, që do të japin sinjale të rëndësishme për përzgjedhjet drejt Kupës së Botës.

Sipas raportimeve të fundit, mbrojtësi Harry Maguire është pranë rikthimit në ekipin kombëtar për sfidat ndaj Uruguay dhe Japan.

Gjithashtu, mesfushori i ri Kobbie Mainoo pritet të rikthehet në skuadër, ndërsa James Garner mund të marrë ftesën e parë me përfaqësuesen. Në të kundërt, Alex Scott pritet të mungojë.

Në repartin defensiv, Luke Shaw nuk ka gjasa të jetë pjesë e listës, ndërsa Lewis Hall pritet të rikthehet si alternativë në krahun e majtë.

Anglia do të përballet me Uruguain më 27 mars dhe me Japoninë më 31 mars, ndërsa para nisjes së Kupës së Botës në qershor janë planifikuar edhe dy miqësore të tjera ndaj New Zealand dhe Costa Rica.

Tuchel përballet me disa dilema kyçe për formacionin, përfshirë zgjedhjen e lojtarit në rolin e numrit 10, përbërjen e qendrës së mbrojtjes, zgjidhjen në krahun e majtë të mbrojtjes, si dhe alternativat në sulm për të mbështetur kapitenin Harry Kane.