Fitër Bajrami, Presidentja Osmani uron: Festë që forcon bashkimin dhe solidaritetin në Kosovë!

Presidentja e Kosovës Vjosa Osmani, ka takuar në Bashkësinë Islame, Myftiun Naim Tërnava, ku ka uruar edhe festën e Fitër Bajramit.

Osmani uron dhe shpreson që kjo festë t’i bëjë të gjithë bashkë dhe ta rrisë solidaritetin.

“Ju uroj të gjithë qytetarëve të Republikës sonë me fat festën e Fitër Bajramit, duke uruar më të mirat për ta, duke shpresuar që Zoti i madhërishëm t’i ketë pranuar lutjet dhe agjërimin e gjithsecilit dhe duke shpresuar që kjo ditë, si gjithnjë përgjatë historisë sonë, të na bëjë të gjithëve bashkë, t’i hapë zemrat, t’i hapë dyert e secilit, ta rrisë solidaritetin dhe t’i rrisë vlerat njerëzore të cilat gjithmonë na kanë bërë bashkë si popull, përfshirë në kohët më të rënda, kur pikërisht ky bashkim, pikërisht hapja e zemrave dhe dyerve, na ka ndihmuar që t’i tejkalojmë kohë shumë të rënda për shtetin dhe për kombin tonë”, tha Osmani.

The post Fitër Bajrami, Presidentja Osmani uron: Festë që forcon bashkimin dhe solidaritetin në Kosovë! appeared first on Sot News | Lajme.