Turqia në vemendjen ndërkombëtare

Që prej orës 22 të së premtes vemendja ndërkombëtare po përqëndrohet në Turqi, ku ushtria ka deklaruar se ka marrë në dorë kontrollin e vendit, pasi ka rrëzuar presidentin Erdogan. Grupi që ka marrë përsipër grushtin e shtetit ka njoftuar vendosjen e gjendes së jashtëzakonshme.

Sekretari i jashtëm amerikan John Kerry duke ndjekur situatën tha se shpresonte për paqe në Turqi.

Ndërkohë autoritetet e Kremlinit i kërkuan Turqisë që të evitonte gjakderdhjen.

Edhe kryeministri italian Mateo Renzi deklaroi si po ndiqte i shqetesuar situatën. Burime të BE flasin për një aksion ushtarak të një grupit të mirëorganizuar dhe jo vepër e pak kolonelëve.

Mediat ndërkombëtare raportojnë se i gjithë vendi është marrë nën kontroll nga një grup i quajtur “Paqe në shtëpi”. Njoftimet janë të pakta dhe kontradiktore pasi grupi ushtarak ka venë mediat në kontroll, ka ndërprerë linjat e internetit dhe ka mbyllur rrjetet sociale. Kaosi duket edhe ne transportin e udhëtarëve.

Dy aeroportet kryesore ai i Ankarase dhe Stambolit, nga më të rëndësishmit në rajon, nuk funksionojnë. Shqetësimi për fatin e mijëra udhëtarëve sapo vjen e rritet.