Turqia: Të gatshëm të bashkëpunojmë me SYRIZA-n

Qeveria turke deklaroi sot se ishte e gatshme të bashkëpunonte me qeverinë e re greke, pas fitores së SYRIZA-s në zgjedhjet e djeshme parlamentare.

”Ne respektojmë vendimin e popullit grek”, deklaroi ministri i Jashtëm turk, Mevlut Çavushoglu.

“Jemi gati të bashkëpunojmë me çdo qeveri të zgjedhur nga populli”, theksoi ai.

”Një delegacion zyrtar turk ka takuar liderin e SYRIZA-s, Aleksis Cipras gjatë vizitës në Athinë, dhjetorin e kaluar, të kryeministrit Ahmet Davutoglu dhe kemi patur një takim mjaft produktiv”, shtoi Çavushoglu.

Greqia dhe Turqia kanë shumë mosmarrëveshje sidomos për detin Egje dhe Qipron.