Uashingtoni paraqet një rezolutë në OKB për sanksione të tjera kundër Phenianit

Shtetet e Bashkuara të Amerikës do të paraqesin sot në Këshillin e Sigurimit të OKB-së një projektrezolutë për ashpërsimin e sanksioneve kundër Koresë së Veriut pas testit të saj të katërt bërthamor, njoftoi një zëdhënës i misionit amerikan pranë OKB-së.

Uashigtoni dhe Pekini bënë të ditur një ditë më parë për një marrëveshje të mundshme për tekstin e propozuar, pas gjashtë javë bisedimesh me intensitet të lartë.

“Ambasadorja amerikane Samantha Power synon të parashtrojë në Këshill një projektrezolutë për vendosjen e sanksioneve në formë kundërpërgjigjeje për testin e fundit bërthamor dhe lëshimin e një rakete balistike”, deklaroi ndihmëszëdhënësi i misionit amerikan, Kurtis Cooper.