Bota
Ukrainë, bombardohet një spital në Donetsk, 12 të vdekur në 24 orë
![](https://24-ore.com/wp-content/uploads/2015/02/E9AD6EFB-A0B8-4F49-85E0-D51EC6853391_w268_r1_cx0_cy0_cw74.jpg)
Dymbëdhjetë persona janë vrarë në lindje të Ukrainës përfshirë nga një rebelim separatist prorus, katër prej të cilëve civilë në një spital të bombarduar sot në bastionin rebel të Donetskut, sipas burimeve zyrtare.
Një gazetar i AFP-së ka parë tre trupa të civilëve para spitalit të prekur nga bombardimet në distriktin lindor të qytetit.
Autoritetet separatiste të Donetskut kanë njoftuar për katër civilë të vrarë si pasojë e këtij bombardimi, tre jashtë spitalit dhe një brenda ambjenteve të spitalit.
Këta katër të vdekur i shtohen katër civilëve të vrarë në lindje të vendit gjatë 24 orëve të fundit, sipas bilanceve të njoftuara sot në mëngjes nga Kievi dhe autoritetet speratiste.