Vendimi i Qeverisë- Sheshi “Nënë Tereza” kthehet në zonë pedonale

Ministrja e Kulturës, Mirela Kumbaro bëri të ditur sot vendimin më të fundit të qeverisë për kthimin e disa zonave të rëndësishme të Tiranës, në zona pedonale, përshirë edhe Sheshin “Nënë Tereza”.
Sipas ministres, ky vendim i qeverisë përcakton disa rregulla të qarkullimit rrugor në Ansamblin ‘Monument Kulture’ dhe sidomos në Tiranë, duke bërë ndërhyrje në rregulloren e zbatimit të Kodit Rrugor.

Sipas ministres, kërkesa e bërë nga shumë njerëz pas vizitës së Papa Françeskut, për ta kthyer sheshin Nënë Tereza në zonë pedonale po bëhet realitet, ndërsa siguroi se dhe shumë sheshe të tjera do të kthehen në zona pedonale.