Veseli: Kuvendi i sheh me prioritet marrëdhëniet me Asamblenë franceze

Kryetari i Kuvendit të Kosovës, Kadri Veseli ka thënë se Asambleja Kombëtare e Francës është referencë e përhershme e lirive njerëzore dhe vlerave demokratike, për të gjitha vendet që aspirojnë standardet më të larta të demokracisë.

Ai këto komente i bëri në një takim me një grup deputetësh nga Asambleja Kombëtare e Francës, në kuadër të takimeve të Grupit të miqësisë që funksionon në mes parlamenteve të të dy vendeve.

“Duke u nisur nga kjo, Kuvendi i Kosovës i sheh me prioritet të veçantë marrëdhëniet me Asamblenë Kombëtare të Francës”, tha Veseli.