Vlorë, godet me thikë fqinjin pas një sherri për motive të dobëta, humbet jetën 57 vjeçari
Një sherr mes fqinjëve ndodhi mbrëmjen e sotme në fshatin Ploç të Vlorës, me pasojë vdekjen e njërit prej tyre.
Policia e Vlorës bën me dije se arresto në flagrancë autorin, i cili vrau me thikë fqinjin e tij 57 vjeçar.
Njoftimi i Policisë
Rreth orës 20:30, në fshatin Ploç, ka ndodhur një konflikt midis dy shtetasve, fqinjë me njëri-tjetrin.
Policia ka shkuar menjëherë në vendin e ngjarjes dhe ka konstatuar se, pas një konflikti për motive të dobëta, dyshohet se shtetasi Mystehak Selimaj, 54 vjeç, ka goditur me mjet prerës “thikë” shtetasin I.K., rreth 57 vjeç, i cili është dërguar në spitalin rajonal në gjendje të rëndë shëndetësore dhe ka ndërruar jetë disa minuta më vonë në spital.
Policia ka bërë kapjen dhe arrestimin në flagrancë të shtetasit Mystehak Selimi, si autorin e dyshuar në lidhje me ngjarjen.
Vijojnë veprimet proceduriale për zbardhjen e plotë të ngjarjes.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.