Vlorë, sekuestrohen 37 kg kanabis, arrestohet autori

Policia e Vlorës, në kuadër në operacionin “BEDROOM”, ka sekuestruar një sasi prej 37 kg kanabis sativa. Mësohet se është vënë në pranga autori si dhe është shpallur në kërkim bashkëpunëtori i tij.

Gjatë kontrollit të ushtruar në banesën e Bledar Grabovajt në lagjen “1 Maji”, Policia ka gjetur një sasi me lëndë narkotike me peshë totale prej 37 kilogramë e dyshuar si kanabis sativa.

Droga u gjet e fshehur në dhomën e fjetjes së banesës, e ndarë në thasë sintetikë dhe të mbështjelle me qese plastike, e cila u sekuestrua në cilësinë e provës materiale.

Nga hetimet e kryera, Policia ka konstatuar se në këtë ngjarje dyshohet se është i përfshirë shtetasi N.G., 50 vjeç, banues në Vlorë, i cili u shpall në kërkim dhe po punohet për kapjen e tij.

Materialet i kaluan Prokurorisë për veprën penale “Prodhimi dhe shitja e narkotikëve, kryer në bashkëpunim.