Vritet në mes të ditës një shqiptar në Selanik

Një 50-vjeçar shqiptar është ekzekutuar në Selanik pas një konflikti që ka pasur me një person tjetër. Ngjarja ka ndodhur në një pikë karburatni ku viktima pasi debaton me autorin, të cilin tenton ta godasë me zinxhir. Në këtë moment autori nxjerr armën dhe qëllon nga brenda makinës së tij 50-vjeçarin shqiptar.

Ashtu siç duket edhe nga videoja, si pasojë e të shtënave shqiptari bie përtokë në trotuar duke gjetur vdekjen.

Sipas informacioneve të para, 50-vjeçari shqiptar është qëlluar me të paktën dy plumba, ndërsa nuk janë zbardhur arsyet  që çuan në këtë ngjarje të rëndë.

Ngjarja ka ndodhur pak minuta para orës 13:00, në rrugën Solonos 51, ku shqiptari fillimisht mbeti i plagosur rëndë në shpatull dhe më pas ndërroi jetë, shkruajnë mediat greke. 

Ndërkaq policia greke po vijon hetimet për ngjarjen e rëndë dhe për të identifikur e kapur autorin.